علشان ما ينصبوا عليك :

استعرض الموضوع السابق استعرض الموضوع التالي اذهب الى الأسفل

علشان ما ينصبوا عليك :

مُساهمة من طرف d-mexem-ft في الأربعاء يناير 16, 2008 3:39 am

مرحبا يا شباب جبتلكم معلومة مررررررررررة مهمة لمحبي السيارات

أسرار بيع السيارات المستعملة

أولا : الحذر من الشريطي

تعريف الشريطي :-

الشريطي هو رجل نصاب محتال لا يخاف الله وأحيان تجدهم مجموعات تتكون من ثلاثة إلى أربعة أشخاص لا تجد خامس بينهم , يتجمهر في مدخل المعارض أو على سيارة بائع للعب على السذج من بعض الناس الذي جاء لبيع سيارته أما لحاجة أو لتغيير سيارته .

أساليب الاحتيال :-

- دائماً تجد الشريطي يخفي عن العالم أنه شريطي فمرة تجده ( حاسر ) ومرة لابس ( طاقية ) ومرة ( نظارة سوداء ) ومرة ( جنتل ) وهكذا , وإذا جاء يسوم منك السيارة يقول لك أنا مو شريطي أنا جاي من الحفر ( حفر الباطن ) أو من القصيم وتحصله دائماً يسب ربعه الشريطية ويقول يلعبون على العالم وما يخافون الله ( يبعد الشبهه عن نفسه ) .

- في بعض الأحيان تجد الشريطي معه ولد صغير ( أبنه ) حتى يبعد الشبهة عن نفسه , كأنه جاي يدور سيارة لولده وهو شريطي محتال .

- ودائماً يبخس ثمن السيارة حتى لو كانت جديدة وينزل سعر السيارة إلى أبخس الأثمان _ يعني _ سيارتك تسوي في السوق 70 ألف أول ما يسوم يقول لك _ 48 ألف _ ومن بعدها يسوم بسعر أعلى , وأحيانا لم يقرب من سعر السيارة يعني 62 أو 63 والسيارة سعرها _ 70 ألف _ تشوف الشريطي يرمي عليك العربون ويطلبك بنخوة عربية , أو تشوف ثلاثة أذناب _ شريطية _ معاه يقولون لك ( تراها قيمة طيبة والله ) ومن هذا الكلام .

- تجد الشريطي يحاول يركب السيارة أو يقول لك أنزل بسوقها وهذا ( غلط ) لأن ما يركب السيارة أو يحاول يسوقها الإ اللي أعطى سعر يعجب صاحب الحلال أو فرق سعر السيارة عن سومة وقبل صاحب الحلال بالسعر اللي عطاه الشريطي ولا تنسى أن الشريطي المفروض ما يركب السيارة الإ تكون أخذت عربون _ أقل شي 500 ريال _ وبعضهم محتال ونصب يقول لك ما عندي عربون ..!! هذا لا تخليه يحرك السيارة ( أطرده ) .

- بعضهم يتفقون شريطية أثنين عليك حتى يعرفون حدك في السيارة يعني أنت دخل السوق ووصلت السومة 64 ألف ولم تعجبك السومة يقولك الشريطية كم حدك , لا تقول له كم حدك قول لك أنت سوم عشان _ تكفشه _ يعني لو فرق وقال 65ألف تقدر تقولهم عطني عربونك وكذا يكون أرتبط معاك وتحصل دائماً مكالمات جوال بينهم ( مثل الحرامية ) .

- دائماً حاول أنك ما توضح السعر اللي أنت تبيه وترضى بالسومة الأولى _ في أول مرة تجي المعارض لبيع نفس السيارة _ لان الشريطية يعرفون شكل السيارة لو جيت مرة ثانية ويعرفون أنك مضطر للبيع وينزلون سعرها لأن يخبرون بعضهم بعض فتحصل الشريطي أول ما يسألك عن السومة يوقف بعيد ويدق جوال يستفسر .

- لا تخلي شريطي يجرب السيارة أو يركب مكان السائق الإ والعربون في جيبك لا يلعب عليك ويقولك دقيقة ولا شوي ولا روح للمعرض الفلاني ثواني والإ يركب معاك يقول أمش شوي في السيارة الإ والعربون معك عشان ما يدخل إلى معرض تابع لهم ويجتمعون عليك أربعة والإ خمسة شريطية يضيعون وقتك في السوم الفاسد , يعني السيارة قبل 10 دقايق أنسامت بـ 65 يقولون لك هاه راحت بالــ 60 ألف ...!!! أنتبه .

- لا تعطي حدك في السيارة دائماً وأصر على كلمة ( سوم ) للشريطي حتى لو كانت السيارة مسيومة قول له أفرق السوم لأنه بعضهم يقولك والله فيه رجال موصيني على نفس الموتر ويبي يعرف سعره عشان أخلص معاك , وبكذا يعرف حدك ويصير تعميم عن حدك وبعدها الكل ينزلك ألف وألفين من حدك في السوم .

- لا تعطيهم رقم جوالك الإ اللي ( صامل منهم ) لأنهم أنذال يأخذ رقم جوالك يدق عليك دقة وحدة عشان إذا ما بعت السيارة تتصل عليه وتقول له أنت اللي سمت سيارتي بهذا المبلغ خلاص ببيع يروح ينزلك 4 ألاف ولا خمسة ألاف .

- لا تقول لشريطي عن سيارتك أن فيها كذا وكذا وأتركه يكشف السيارة وإذا سألك عن شي قول له الموتر قدامك , لأن هذه طريقة تعاملهم ما يعلمك إذا في السيارة صدمات , أو تخبيط أو غيرها الإ إذا كنت واثق من سيارتك .

مع خالص تحياتي محبكم D-mexem-ft
avatar
d-mexem-ft
NEW SKATEING
NEW SKATEING

ذكر عدد الرسائل : 7
تاريخ التسجيل : 21/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: علشان ما ينصبوا عليك :

مُساهمة من طرف bashbash ft في الأربعاء يناير 16, 2008 7:18 pm

شكرا على المعلومات إن شاء الله بعد اليوم ما ينصوا خلاص صاروا معروفيين
وأشكرك مرة أخرى أخي D-mexem-ft
avatar
bashbash ft
FIRE OF TIRES
FIRE OF TIRES

ذكر عدد الرسائل : 912
العمر : 31
تاريخ التسجيل : 24/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: علشان ما ينصبوا عليك :

مُساهمة من طرف S.H.S في السبت يناير 19, 2008 1:57 pm

اشكرك على المعلومات المفيدة
avatar
S.H.S
عضو مميز جداً
عضو مميز جداً

ذكر عدد الرسائل : 305
المزاج : Coo0oo0oo0ooL
تاريخ التسجيل : 22/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: علشان ما ينصبوا عليك :

مُساهمة من طرف sk@te%ft%devil في الجمعة فبراير 08, 2008 8:56 am

تسلم على المعلومات

_________________

sk@te%ft%devil
FIRE OF TI
FIRE OF TI

ذكر عدد الرسائل : 430
العمر : 27
الموقع : المدينة المنورة
العمل/الترفيه : طالب - سكيتر
المزاج : جيب ريل و تشوف
تاريخ التسجيل : 17/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: علشان ما ينصبوا عليك :

مُساهمة من طرف Tiger-ft في الأحد فبراير 24, 2008 8:55 pm

مشكور علي المعلومات
avatar
Tiger-ft
سكوتر متميز
سكوتر متميز

ذكر عدد الرسائل : 159
الموقع : في عين حبيبي
المزاج : رايق علي طول
تاريخ التسجيل : 13/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى